Vüqar Həşimov - 1 il keçdi

1 il keçdi

Dünha əhalisinin 605 milyonu şahmat oynamağı bacarır. 2009-da dünyanın ən yaxşı 15 şahmat oyunçusundan 3-ü azərbaycanlı idi - Şəhriyar Məmmədyarov, Teymur Rəcəbov və Vüqar Həşimov. Balaca bir ölkənin belə böyük şahmat məktəbinin olması həmişə çox qürurvericidir.
Bu gün həmin məktəbin ən işıqlı adamlarından Vüqar Həşimov vəfat edib, 27 yaşında. Uzun müddətdir başında olan bədxassəli şişdən müalicə olunurdu. Bu hadisə təkcə bizim üçün deyil, bütövlükdə şahmat dünyası üçün ağır itkidir. Modern Benoni ilə çox gözəlliklər yaratmışdı.
Çox xoşbəxtəm ki Vüqar kimi adamla bir dəfə söhbət imkanım olub. Əjdaha oyunçu və adamıydı.
Bu isə Polşada ilk böyük tarixi qələbənin videosudur, Azərbaycan Avropanın şahmat çempionu olur. Həlledici qələbənin müəllifi Həşimov. Rest in peace!