Monday, August 3, 2015

Yeni məzunlar üçün iş tapmaq barədə xülasə

İş tapmağın çətinliyindən şikayət edən məzunlar üçün qısa xülasə:
Problem mühtdədir, o cümlədən gənclərdə. Hamı başa düşür ki, yerli universitetlərdə iş bazarına uyğun bilik və bacarıqlar öyrədilmir. Gənclər də iş bazarını başa düşmürlər. İxtisas seçimi, lazımlı biliklərə fokus olmaq əvəzinə vaxt və resurslarını gərəksizcəsinə xərcləyirlər.
Son illər xeyli universitet məzunlarından müsahibə götürmüş və kömək etmiş biri kimi aşağıdakıları söyləyə bilərəm.
  • Bazarda ingilis dilini bilən adam ehtiyac azdır, əvvəlki illərlə müqaysədə. Dil öyrənmək trendi 10 il öncənin dəbi idi. Yalnız rus və ingilis dillərini öyrənməyə ömrünün 5-10 ilini həsr etmiş, digər sahələrdə bacarıqlarını inkişaf etdirməmiş bir gənc xanım tur agentlikdə 250 azn maaşa çalışır. Bu bir az radikal misaldır, amma dil bilməklə hər şey həll olmur bu gün. Bazarda həddən çox dil bilən adam var. Başqa üstünlüklər qazandıracaq bacarıqların əldə olunmasına fokus olmaq lazımdır.
  • Biznes və iqtisadiyyat kimi sahələrdə əksər işlər üçün yuxarı səviyyədə Excel bacarığı, critical thinking, hesab-kitab, alış-veriş və araşdırma kimi bacarıqlar gərəklidir. Ölkədə nə qədər benzin doldurma məntəqəsi var? Çadır biznesində uğurlu olmaq üçün hansı şərtlər lazımdır? Kimi suallara cavab verə bilməyən namizədləri yaxşı şirkətlər işə almaqda tərəddüd edirlər.
  • Gənclər son illər facebook’da, social tədbirlərdə çox vaxt xərcləyirlər. Bu bəlkə də bir çox adam üçün müsbət haldır. Amma müşahidəm göstərir ki, yanlış adamlar örnək alınır, məsləhət istənilir. Təcrübə və praktika keçmək istəmir gənclər. Hamıdan öyrənmək lazımdır, xüsusən iş adamlarından məsləhət və kömək istəmək.
  • Mühitin əsas problem isə özəl sector ilə universitetlər arasında siqnal alış-verişinin olmamasıdır. Bir başqa problem ölkədə indiyədək olan asan qazanılmış pullar idi. Əksər gənclər 200 manata işləmək istəmir. Baxır ətrafına görür ki, dostu yeni dəbli maşın sürür. Düşünür ki, mən də elə yaşayım gərək, maddi olaraq zirvədən başlayım. Nepotizm və qohumbazlıq məsələlərinin qoyuram bir kənara, bu da çox ciddi əngəldir.
  • Özəl sektordan deyə bilərəm ki, özünü inkişafa sərmayə yatırmış və çox çalışmış gənclər 5 il sonra yaxşı yerlərdə olurlar.

  
P.S McDonalds’da işləməlidir tələbə, satış şirkətində ekspeditor köməkçisi, vitrin düzəldən və.s. Ayıb deyə bir şey yoxdur. Yığırsan təcrübəni, sonra isə artilleriyanı göstərirsən ki nə var baqajında.

Çox çalışmaq lazımdır!
Post a Comment